Festival de Nadal

Pois aquí estamos coas fotos do noso festival. A pesares de no ter as instalacións mais axeitados creemos que resultou un bastante ben; os alumnos demostraron o ben que saben vivir o Nadal e, por sorte, viñeron moitas familias.

Como ben sabedes, gustaríanos ter sacado a todo o mundo nas fotos pero é imposible. Deixámosvos unha mostra do que foi a festa e esperamos que vos gusten tanto coma a nós.

Feliz Aninovo a todos e todas!

Mini e Mero

Dous grandes artistas, músicos, poetas e mestres da nosa cultura. Membros de “Fuxan os Ventos” e actuais compoñentes de “A Quenlla” compartiron unha xornada incrible con todos nós.

O día 19 recitamos a Celso Emilio, cantamos “A sementeira”, “Irmaus”, “O carro” … contamos coa colaboración especial de Tino Baz…  Emoción, sentimentos, moita música e, agora, os recordos dunha festa da cultura escrita coa nosa letra.

Felices Festas!

#RecitandoCelsoemiliO!

O día 12, do 12, ás 12 foi a data sinalada na que mais trinta e mil alumnos de toda Galicia recordaron a figura de Celso Emilio Ferreiro.

No 50 aniversario da publicación de “Longa noite de pedra” o noso alumnado quixo participar deste recitado: ilustrando a súa figura, lendo “Deitado frente ao mar”, “Irmaus”, “Moraima”... Unha celebración da nosa cultura, da nosa lingua e da enerxía que teñen as palabras cando van en forma de poesía.

Rematando o Outono...

E queremos darvos as grazas pola vosa colaboración nesta edición do “Outono fotográfico”.

Cada ano hai unha maior participación nesta actividade: fotos, poemas, murais... fixeron da nosa entrada un lugar moito mais acolledor. Esperamos que vos gustara tanto coma a nós.
Grazas!

RecitandoCelsoemiliO

O día 12, do 12 ás 12 faremos un recitado público do poema Deitado fronte ao mar de Celso Emilio Ferreiro, publicado inicialmente no libro Longa noite de pedra (1962). No centenario do nacemento deste poeta celanovés desexamos renderlle unha homonaxe que simbolice toda a forza e enerxía que transmite a súa palabra. Un compromiso cívico coa cultura e lingua de Galicia. Esperámosvos!

Deitado frente ao mar I from Seso Durán on Vimeo.

IRMAUS

Como xa vos temos contado, este ano celebramos o centenario do gran poeta Celso Emilio Ferreiro; así como 50 aniversario da publicación do seu libro “Longa noite de pedra”.
Deixámosvos un dos seus poemas “Irmaus” na versión musicada de Fuxan os ventos. Sentimentos e crenzas que debemos reivindicar nestes tempos tan desnortados.

Qué gran Magosto!

Hoxe podemos dicir que tivemos unha día de festa. A da castaña, o noso Magosto.

Comezamos cunha obra de títeres moi orixinal “Caraporquiña Vermella”. Despois, sen parar a xogar, co circuíto de Xogos Populares. E, para rematar, castañas ata rebentar.

Grazas aos que colaborastes co lume e atendendo as castañas, sen a vosa axuda sería imposible sacar adiante a organización deste gran día.

Esperamos que vos gusten as fotos. Un saúdo,

O equipo de dinamización da lingua galega.

Caraporquiña vermella

Mañá martes celebrámolo Magosto: Xogos populares, moitas castañas... e TEATRO! 

Este ano contaremos coa compañía de títeres Tres Globos que representarán a obra de “Caraporquiña vermella”.

Esperamos que vos guste a todos!

Fotos do Samaín

Pois xa temos algunhas das fotos da Samaín celebrado o pasado venres 31 de outubro. 

Ollos de aula Nº 2

Xa temos un novo exemplar da revista Ollos de Aula.

Neste mes atoparedes información sobre o que poderá ser a volta das "reválidas". Tamén hai uns bos consellos para as entrevistas a realizar cos profesores titores e mais novas de interese.

Esperamos que vos guste. Saúdos!

Ollos de aula. nº 2. Novembro de 2012 (versión para imprimir en A4 a dobre cara) from Coordinadora Galega ENDL

Poemas de peto

O Equipo de Dinamización da Lingua presenta unha colleitas de poemas fermosos na nosa lingua, de diversos autores, pero con unha dozura inmensa. Cada mes darémosvos unha nova entrega. Deste xeito recuperamos unha parte da nosa cultura, a poesía, que ao tempo co cantigueiro de peto, podemos dispoñer dunha recopilación moi importante.

Desexámos que sexa do voso agrado.

Samaín

Achégase o día de Defuntos. En todas partes comezamos a ver cabazas que nos invitan a celebrar o Halloween.  Pero, atención!, non é americano todo o que parece. Ata hai cuarenta anos por moitas aldeas de Galicia tallábanse cabazas por estas datas, e a día de hoxe cada vez hai mais lugares nos que se está a recuperar esta tradición na forma da festa do Samaín.

A pouco que se pregunte ás persoas maiores de diferentes puntos da nosa xeografía (Noia, Catoira, Cedeira, Muxía,Sanxenxo, Quiroga...) lembran que tamén era habitual por Defuntos coller cabazas, tallarlles unhas caras feroces, poñerlles un pauciños coma dentes e deixalas nos camiños para asustar ós viandantes.

Así que o vindeiro mércores día 31 celebraremos o noso Samáin. Cabazas... contos de medo... música... e “merenda de outono”. Contamos coa vosa participación, non faltedes!

Celso Emilio Ferreiro

Neste ano 2012 temos unha data memorable para a nosa cultura. Cúmprense 100 anos do nacemento de Celso Emilio Ferreiro, o poeta galego que elevou as nosas letras ao máis alto nivel dentro e fóra das nosas fronteiras. 

É o poeta civil, a voz do pobo, que cos seus versos directos guiou e inspirou autores posteriores e puxo letra á Nova Canción Galega de protesta.

Deixámosvos “Longa noite de Pedra” unha dos seus máis afamados poemas:

O teito é de pedra

De pedra son os muros
i as tebras

De pedra o chan
i as reixas

As portas,
as cadeas,
o aire,
as fenestras,
as olladas,
son de pedra

Os corazós dos homes
que ao lonxe espreitan,
feitos están
tamén
de pedra LONGA NOITE DE PEDRA

El techo es de piedra

De piedra son los muros
y las tinieblas

De piedra el piso
y las rejas

Las puertas,
las cadenas,
el aire,
las ventanas,
las miradas,
son de piedra (…)

Outono fotográfico

Xa chegou a cita co noso “Outono fotográfico”.

 

Nesta 4º edición seguimos co desexo de fomentar a creatividade dos vosos fillos e fillas. Así que propoñemos que nos traiades fotos sobre esta época do ano e que estas imaxes veñan acompañadas dun pequeno texto, onde se conte porque se tomou ou mesmo cunha pequena poesía!

 

A actividade está aberta a todo o mundo (alumnado, familias, mestres…) e poderanse entregar no formato que se considere mais apropiado. Con todas elas faremos unha exposición na entrada do colexio, polo que deberán ir identificadas para saber de quen é cada foto.

Esperamos unha gran participación e aproveitamos a ocasión para enviarlles un cordial saúdo,

O equipo de dinamización da lingua galega.

Nova Revista

Pois xa temos unha nova revista de contido educativo: Ollos de aula.

Dende o Equipo de Dinamización da Lingua Galega queremos contribuir a que teñades información puntual sobre as novidades no ámbito educativo; libros, lexislación, propostas escolares...

Esperamos que esta cita mensual vos guste tanto coma a nós. Saúdos!

Open publication - Free publishing - More cgend

E chegou o Outono

Pois deixamos detrás o verán e comezamos esta fermosa estación onde teremos moitas das nosas mellores actividades: Outono fotográfico, Samaín, Magosto... 

 

Deixámosvos un pequeno conto. Esperamos que vos guste:

CONTO DE NUNCA ACABAR

HABÍA UNHA VEZ UN CATIVO

NUN CASTIÑEIRO SUBIDO

DEBULLANDO UNHA CASTAÑA,

E DE CONTARCHE ESTE LÍO

XA SE ME FORON AS GANAS.

ANTÓN CORTIZAS."Contos de vento e de nunca acabar".

COMEZAMOS!

COMEZAMOS!

Hoxe volveron as clases! Esperamos que o verán vos trouxera moi bos momentos e que non falten as ilusións por un novo curso.

Deixámosvos un pouco de música, dun centro de Nigrán que fixo un interesante traballo unindo tradición musical galega e irlandesa. Esperamos que vos guste!

IES Chapela. Xenial!

Grazas Sefi!

Buxaina nº 25

1º edición dixital despois de 25 números en papel e con 30 anos facendo escola e construíndo un pobo. 

Parabéns!

Lástima que terminó......

Unha visita guiada pola nosa escola, unha visual de quenes somos e de que facemos!

Moitos bicos e ata sempre!

Valentín Paz Andrade

O poeta e escritor Valentín Paz Andrade (1989 – 1987) é o autor homenaxeado este ano co Día das Letras Galegas. Foi xornalista, político, avogado e impulsor da primeira compañía europea de buques conxeladores.

Nestes días, nós imos a recordal polas súas poesías e por ser membro da Real Academia Galega.

Deixámosvos un enlace onde aparecen recollidos algúns dos aspectos mais salientables da súa vida:

http://www.valentinpazandrade.es/gl/inicio

Celebrámolo Maio

“Xa chegou o Maio, colorido e galán. Chegou tras o inverno e antes do verán”.

Este luns 30 de abril imos a celebrar a nosa festa dos Maios. Unha festa primaveral onde os nenos e as nenas, cos seus cantos e alegría, anuncia o bo tempo e a saída do duro inverno.

 

Este ano estreamos maio e coroa, grazas a axuda dun pai. Tamén cantaremos as coplas, onde non faltará a ironía e a sátira. E, coma sempre, estades invitados a participar: ás 13.30 na entrada do colexio.

23 de abril

Mañá, 23 de abril, celébrase o Día Internacional do Libro.
Esta xornada ten como finalidade promover o libro como eixe da nosa cultura, xa que historicamente os libros foron o modo de transmitir os coñecementos e unha ferramenta esencial no noso enriquecemento como persoas.
 Curiosamente este mesma data coincide co aniversario do pasamento de dúas referencias obrigadas na literatura: Cervantes e Shakespeare (se ben hai algunhas diferenzas entre os calendarios que se empregaban na Inglaterra e en España). Máis información sobre o Día do Libro aquí.

 

Nós tamén quixemos participar desta celebración:

Comezamos a fin de semana co recordo de historias remotas, as que nos deixou o magnífico contacontos “Mario Tomás”

O luns teremos maratóns de lecturas e algunha sorpresa máis…

E, dende hoxe ata a Semana das Letras Galegas, poñemos en marcha o noso 1º Certame Literario: unha invitación á escritura. Queremos ler e ver os vosos contos e queremos que todo o Centro respire o aire das vosas historias. Animádevos e estade atentos ao blog!