Festival de Nadal

Quentiñas, quentiñas, aquí están as fotos do noso festival.
Como ben sabedes, ao estar o pavillón en obras a única opción que nos quedaba era a Casa da Cultura, pero creemos que o esforzo mereceu a pena. Puidemos compartir con todos vós o espíritu destas festas, e levarnos un gran recordo coas actuacións destes pequenos artistas.

Deixámosvos as fotos para compartir con aqueles que non puideron acudir e, coma sempre, se vedes que algunha foto non debería estar pública pois avisades e se retira o antes posible.

Un saúdo, e os nosos desexos de que teñades unhas datas moi entrañables, con moito tempo de xogo e un Feliz Aninovo!

Lecturas para o Nadal

Achéganse días de festa, de tempo de lecer e de regalos. Pois dende o Equipo de Biblioteca non deixaron escapar este tempo de lectura e fixeron un magnífico traballo: Un tríptico con suxerencias de lecturas para todos e todas. Xa nos contaredes cal vos gustou mais. Saúdos e felices festas!

Rematamos o Outono Fotográfico

Achégase o inverno, e coa nova estación haberá que rematar o noso Outono Fotográfico. Estas semanas foron unha auténtica explosión  de cores. Así que moitas grazas pola vosa colaboración e por facer da nosa entrada un recuncho para perderse nesta marabillosa estación.

Un saúdo dende o Equipo de dinamización da lingua galega.

Ata sempre Neira Vilas

O venres marchamos da escola coa triste noticia do falecemento de Xosé Neira Vilas. Magnífico escritor en tódolos xéneros literarios pero que debe da literatura xuvenil o seu mellor éxito: “Memorias dun neno labrego” (1961).

Ademais, como ben sabedes, xunto coa súa muller, Anisia Miranda, foron os padriños da nosa escola.

Déixanos unha celebridade literaria e unha referencia fundamental do panorama cultural galego.

Ata sempre, Neira Vilas!

Deixámosvos cun vídeo que lle fixo a profesora María na súa Fundación fai pouco mais dun mes. 
Non se esquecía de nós (...)

Un magosto redondo!

Xornada incríble, con moitos xogos, bo tempo e gran cantidade de castañas para papar. Dende o Equipo de dinamización da lingua galega queremos darvos as grazas a todas as familias que participáchedes desta xornada, pola vosa colaboración (en especial a Natalia y Teodoro que remataron ben afumados) e por facer desta celebración unha gran festa.

Mañá, magosto!

Estimadas familias, recordarvos que mañá celebraremos o noso magosto.

Precisaremos axuda para facer as castañas, algo de leña e disposición para xogar ao circuito de Xogos Populares que realizaremos a partires das 11:30. 

Estades todos convidados a participar da festa e a tomar castañas.

Un  cordial saúdo,

Parabéns Neira Vilas!

Xosé Neira Vilas, gran referencia da nosa narrativa está hoxe de aniversario. Dende o CEIP de Meaño As Covas queremos enviarlle unha forte aperta e desexarlle os nosos parabéns a este magnífico escritor e padriño do noso centro. 

Samaín 2015

Día pasado por auga, mais da que nos tivera gustado; aínda así, a nosa festa das cabazas puido saír adiante.
Moitas grazas pola vosa participación, polo traballo realizado coas cabazas e nos fogóns para a merenda de outono e por acompañarnos nesta celebración.
Aquí xa temos unas poucas fotos desta xornada, esperamos que vos gusten. E ide preparando as castañas, que en breve os invitamos ao noso Magosto!

Saúdos dende o EDLG.

Samaín!

Esta semana toca... Cabazas e medos para celebrar o noso Samaín!

Recuperamos a vella festividade Celta, que vos deixamos moi ben explicada neste enlace: Samaín
E xa sabedes; o mércores traemos as cabazas á escola, para celebrar o xoves unha gran festa do Medo.

Contamos con todos vós! Saúdos.  

7º Outono Fotográfico

“Caen as follas...

sinto unha cousa

que se apousa en min e non me toca.

E chove pra que eu soñe, pra que eu soñe,

fala a tarde baixiño”.

 (Uxío Novoneyra. “Caen as follas”)

Outono chegou e que mellor pretexto para sacar as cámaras de fotos e traer á escola un magnífico recordo desta época do ano.

A todos nos gustaría traer fotos como as de Elena Shumilova pero aínda que as nosas propostas sexa mais humildes, seguro que tedes moi bos momentos para compartir, animádevos!

Esperamos unha gran participación e aproveitamos a ocasión para enviarlles un cordial saúdo.