Fotos do Entroido!

Despois dos dous vídeos que puxemos do Entroido, agora vos queda unha pequena galería de fotos onde veredes algúns dos momentos do pasado venres 17, o día grande da nosa festa.
Esperamos que vos gusten: saíron moi guapos e moi guapas. E non esquecemos o mais importante; que esta foi unha gran xornada de convivencia, de celebración para todos e de moita diversión.

Un saúdo,

Entroido "As Covas" 2012

Entroido 2012

O Peliqueiro de Meaño

Coidado con Peliqueiro!

Coidado que ven o Peliqueiro! Chegado de terras ourensás, un Peliqueiro (ou Piliqueiro) de Laza anda pola escola, azoutando co seu látego aos que non traballan, aos que berran e mesmo aos que ensinan! 

Así que xa sabedes, andade con coidado porque neste Entroido nin recortes, nin crise, festa para todos e todas! E senón mirade as fotos de embaixo…

Peliqueiro

Chegou o Entroido!

Chegou o Entroido!

Coma en anos pasados, o luns teremos ao noso “Mandadiño” que dende a entrada iranos dicindo como hai que vir vestidos durante estes días. Ao estar traballando o tema do “Universo” haberá que botarlle un pouco máis de imaxinación, usando diversos materiais para a vestimenta.

Esperamos que vos guste a nosa proposta e que participedes da troula destes días. Un saúdo, 

 

LUNS: “Lúa prateada, pinta na cara unha flor colorada”

MARTES: “Marte vermello, trae na cabeza un chapeu vello”

MÉRCORES: “Mercurio é mediano, ata na cabeza un pano!”

XOVES: “Xúpiter é moi grande, trae moita barriga para non ter fame”.

Chega o Entroido...

Pois xa temos próximo o Entroido!
A semana do 13 ao 17 deste mes estaremos un pouco galácticos de mais; xa que dende a biblioteca estamos a traballar un proxecto sobre o Sistema Solar, os planetas e ao espazo exterior.

Infantil e 1º ciclo serán os nosos extraterrestres, dende 2º ciclo chegarán planetas, estrelas, lúas e algún que outro astrónomo e astrónoma. E a comparsa de astronautas virá dende 3º ciclo.

Comparsas, merendas... e moita Festa! (Seguide atentos...)

Paz na escola é paz no mundo