Chegou o Entroido!

A semana que ven chega o Entroido ao noso colexio, sendo o venres 4 o día grande desta celebración.

Coma en anos pasados, o luns teremos ao noso “Mandadiño” que dende a entrada do colexio iranos dicindo como hai que vir vestidos durante estes días. Ao estar traballando o tema da “alimentación saudable” haberá que botarlle un pouco máis de imaxinación, usando diversos materiais para a vestimenta.

Esperamos que vos guste a nosa proposta e que participedes da troula destes días. Un saúdo,

LUNS: “O luns, ademais de vir vestido hai que traer un ovo fritido”

MARTES: “O martes, coma se foses unha eiruga hai que traer unha folla de leituga”

MÉRCORES: “Mércores, escoita! Trae contigo unha froita!”

XOVES: “O xoves come peixe asado e trae os beizos ben pintados”.

Día Internacional da Lingua Materna

En 1999, a UNESCO declarou o 21 de febreiro Día Internacional da Lingua Materna.

O obxectivo desta celebración é impulsar a práctica das linguas maternas en todo o mundo e, en especial, as das minorías, por seren as que se encontran nunha situación máis difícil.

Pero... Que é unha lingua materna?
A lingua materna, aquela en que os nenos e as nenas aprenden a falar, é, como dixo o poeta, “é a chave coa que abrimos o mundo”.

Galicia é hoxe unha comunidade con dous idiomas oficiais, o que constitúe unha riqueza e unha oportunidade.

A lingua e a cultura galegas son a mochila onde gardamos o pan e a auga, o imprescindible para facer un camiño que nos leva sempre cara adiante.

A nosa lingua apórtanos unha identidade colectiva que une a todos os galegos e galegas, independentemente de cal sexa o idioma que falan habitualmente.

125 anos do nacemento de Castelao

http://gl.wikipedia.org/wiki/Alfonso_Daniel_Rodr%C3%ADguez_Castelao

“Castelao, siempre en A Estrada” ou o outro titular “A Estrada conmemorará este domingo el 125 aniversario del nacimiento de Castelao”.
Falan de bilingüismo aqueles que non publican en Galego, quedaría moito máis lóxico: Castelao por sempre na Estrada, ou A Estrada conmemorará este domingo o 125 aniversario do nacemento de Castelao.
Vergoña por publicaren semellante nova nos dous diarios máis prestixiosos do país, si Castelao levantara a cabeza e vise o que está a pasar na súa terra, falan do seu pensamento, ofrécenlle flores aqueles que teñan a herdanza dos que o exiliaron, Castelao houbera falado na nosa lingua, non entendemos o motivo de non publicar en galego. Diarios que reciben certa axuda económica da Xunta.

Para máis, recollen as súas verbas: "Ningún idioma alleo -por ilustre que sexa- poderá expresar en nome do noso os íntimos sentimentos, as fondas dores e as perdurables esperanzas do pobo galego; se aínda somos diferentes e capaces de existir, non é máis que por obra e graza do idioma". Pois iso.

Dito isto, a Sra. L_ _ _ reclamará a metade da edición dos diarios en Galego. Non, ao mellor porían os anuncios ou os breves, as páxinas de economía non, sería moi chic!

http://www.lavozdegalicia.es/pontevedra/2011/01/31/0003_201101P31C2993.htm o "periodista" que escribiu esta nova debería de argumentarse primeiro e saber restar non son 150 e si 125 anos do seu nacemento. "Tanta cultura me abruma"

Fotos do Día da Paz

Día da Paz na nosa escola

O venres celebramos na escola o acto conmemorativo do Día da Paz e non violencia. Un momento especial para compartir o noso desexo de paz. Con este vídeo queremos tamén compartilo con tod@s vós.


"A violencia é o medo aos ideais dos demais". Mahatma Ghandi.