O Libro dos Reis Magos

E despois da música, un pouco de lectura. Subimos un libro que vai a ser todo un éxito neste Nadal, “O Libro dos Reis Magos” unha escolma de cartas as súas Maxestades que veñen ilustradas por Marina Seone. A disfrutalo!

Que ven o Apalpador!

Chega o Nadal e… Sabedes quen é o Apalpador? Pois con música todo é mais fácil, non? Pois aquí vos deixamos un pequeno vídeo no que vos conta quen é esta personaxe da nosa cultura. Esperamos que vos guste!

Fundación Laxeiro

Como ben sabedes, cada ano dedicamos o primeiro trimestre a recordar o traballo dalgún dos nosos artistas galegos: Rosalía, Castelao, Celso Emilo Ferreiro... e este ano estudiamos a Laxeiro, un dos mellores pintores que ten dado Galicia en todos os tempos. 

E, como en todo bo proxecto, rematouse cunha gran saída: a Vigo, á Fundación Laxeiro. A guía explicounos detalles sobre a súa vida, e con ela descubrimos moitos cadros novos, ademais de ver os que xa tíñamos traballado.

A fin de festa foi o deubxo das nosas máscaras ao “estilo Laxeiro”. Unha gran xornada, na que tamén aproveitamos, como en toda viaxe, para descubrir algún rincón do porto de Vigo. 

Deixámosvos algunhas fotos, esperamos que vos gusten! 

Revista Ollos de aula

Pois aquí vos deixamos un novo número da revista Ollos de aula; información educativa de interese na nosa lingua.

Ollos de aula. nº 10 from Coordinadora Galega ENDL

As fotos do Magosto!

Pois xa temos algunhas das fotos deste gran día!
Estaredes de acordo con nós en que foi unha gran xornada; moitos xogos, bo tempo, castañas e a colaboración de moitas familias que participaron dos xogos e deste Magosto.
Para os que non puideron vir, aquí tedes algunhas fotos, saúdos dende o EDLG.

O martes... Magosto!

Pois aproveitando que este martes 12 non esperamos choiva e que pasamos o San Martiño que mellor opción que traer castañas e desfrutar dunha xornada de Magosto. Estades todos a participar, da castañada e do noso circuito de Xogos Populares. Esperámosvos despois do recreo!



E para ir ambientando co outono, aquí tedes unha escolma de refráns realiazada polo CEIP de Esteiro en Ferrol.

Outono fotográfico

Non vos esquezades de que estamos realizando o noso “V Outono fotográfico”.

Estades todos invitados a participar, non perdades a oportunidade de ensinarnos a vosa mirada desta fermosa época do ano.

Comezamos!

Porque despois deste longo e fermoso verán, comezamos un novo curso con moitas ideas, ilusións aínda mais, profesorado... pois diso non andamos moi sobrados; pero tede por seguro que vamos a encher os meses de actividades onde o Galego vai a ser a nosa mellor ferramenta.

Un saúdo e prestade atención ao que ven!

E colorín, colorado…

… ese curso está rematado! Pois si, chegamos ao derradeiro día deste curso escolar. A verdade é que, entre que o tempo segue noutra estación e que a moitos de nós pasounos o trimestre voando, non nos damos crido que empecen as vacacións.

Pero a realidade é que estamos en verán, o voso tempo de lecer. Esperamos que o aproveitedes da mellor maneira posible, na praia, no monte, viaxando, lendo, xogando… Pero deixade as pantallas por unha tempada, aproveitade estes días tan longos e non paredes de crecer, que en setembro non vos imos a recoñecer.

E que dicir do día de hoxe, festival? Non… Mais ben Festa-Rachada! Houbo música, baile, teatro e a despedida dos maiores; que se nos marchan ao instituto, os de sexto. Pero estamos convencidos de que non tardarán moito en facernos algunha que outra visita.

Para rematar, as fotos! Coma sempre, sei que haberá nenos e nenas que non aparecedes, pero tedes que comprender que é moi difícil collervos a todos. Espero que vos gusten, para min foi un pracer tomarme este café de tarde mentres ía seleccionando as fotos e recordando a magnífica xornada que tivemos. Así que, hoxe firmo eu, Pedro, o de EF, o coordinador deste gran Equipo da dinamización da lingua galega, e que en nome de todos queremos desexarvos unhas felices vacacións!

Buxaina nº 26

Xa temos a revista!

Entre que non andamos moi sobrados de cartos e que hoxe en día sodes moitas as familias que xa tedes conexión á Rede pois aquí vos deixamos o número 26 da nosa revista Buxaina. En formado dixital, que non ocupa espazo na casa e que sempre poderedes consultar!

Esperamos que vos guste tanto coma a nós!
Un saúdo dende o Equipo de dinamización da lingua galega.

No niño novo do vento

Pois xa vamos collendo recta final deste curso e queremos rematalo recordando a un dos clásicos da nosa literatura: “No niño novo do vento”, poema de Álvaro Cunqueiro e que xa non podemos recitar sen a música que lle fixo Luis Emilio Batallán alá polos anos 70.

Esperamos que vos guste! Saúdos,

Magnífica xornada!

O pasado mércores 15 de maio celebramos o Día das Letras Galegas. Recordamos a Roberto Vidal Bolaño, artífice de que teñamos un teñamos un teatro galego propio, e compartimos con Luz Fandiño unha xornada na que se falou deste autor e tamén da poesía e dos contos. Houbo teatro e música, coma sempre!

Unha magnífica xornada onde as letras galegas tiveron a súa merecida homenaxe.

O 15 de maio ven Luz Fandiño!

Xa estamos de cheo na nosa semana Das Letras Galegos: hoxe teatro, mañá recitado de poemas e, o mércores, xornada especial! Faremos adaptacións das obras de Roberto Vidal Bolaño e contaremos coa visita de Luz Fandiño: poetisa, amiga de Roberto, e gran defensora da nosa lingua.

Personaxes das historias de medo na nasa cultura popular.

Traballazo perfecto da cultura popular do medo na nosa terra. Grazas por este resumo!

Ollos de aula nº 7

Deixámosvos o novo número da revista “Ollos de Aula”: Roberto Vidal Bolaño, artigos sobre cando comprarlle o móbil aos vosos fillos... axenda cultural...

Esperamos que vos guste,

Saúdos dende o EDLG.

Ollos de aula. Nº 7 by cendl

Roberto Vidal Bolaño

Roberto Vidal Bolaño

Este vindeiro 17 de maio celebramos o noso Día das Letras Galegas. Este ano dedícase ao dramaturgo Roberto Vidal Bolaño (1950 – 2002) autor clave na creación dun teatro galego propio.

Dende o CEIP As Covas de Meaño recordaremos durante toda esta semana a súa figura e a importancia que ten o teatro dentro do noso eido cultural.

Xa temos o Maio

Pois no día de onte celebramos o noso Maio. Todo o mundo colaborou; agradecemos as familias por traernos tanto fiúncho e pampullos, dende 3 anos ata sexto estiveron facendo cadeas e coroas. Unha xornada de convivencia e traballo artesá que concluíu cantando a nosa copla do Maio. Deixámosvos unhas fotos que esperamos que vos gusten.

Un saúdo, o Equipo de dinamización da lingua galega.