Malas novas para o Galego

Pois si, aquí vos deixamos os datos publicados no pasado mes polo Instituto Galego de Estatística:
Enquisa de condicións de vida das familias. Coñecemento e uso do galego.

Os datos son bastante desalentadores:

Tres de cada catro rapaces e rapazas galegas de 5 a 14 anos (74,88%) son castelanfalantes, once puntos máis que hai cinco anos (63,87%) e quince máis que hai unha década (59,67%).

 

Persoas que saben falar galego segundo a idade. Galicia. Ano 2013
Porcentaxes

	Moito	Bastante	Pouco ou nada	Total
De 5 a 14 anos	40,08	37,22	22,70	100,00
De 15 a 29 anos	60,27	27,90	11,83	100,00
De 30 a 49 anos	59,14	27,11	13,74	100,00
De 50 a 64 anos	56,39	29,80	13,82	100,00
De 65 ou máis anos	59,73	31,39	8,87	100,00
Total	57,31	29,62	13,07	100,0

Non é este o lugar para aportar datos e mais datos, pero estando claro hai un bo coñecemento da nosa lingua o problema debémolo situar a nivel de hábitos e de actitudes. 

Está nas nosas mans cambiar esta tendencia, a que si?

 

Comezamos! (Con moi boa música…)

Pois aquí estamos, no 2015, a golpe de frío xaneiro, pero con moi boa música. Dende o blog de galego tíñamos que recoller a nova publicación de Kalandra: “Non hai berce coma o colo”. Un título magnífico para un libro-disco que recolle algunhas xoias coma este Berce de Pedro chosco.

Deixámosvos con este vídeo onde atoparedes a un dos dous artistas que están detrás deste proxecto. Seguro que os recoñedes!