Bo Nadal!

Dende o blog do Galego tamén queremos desexarvos  unhas magníficas festas, que veñan cheas de bos momentos, e que o Aninovo comece da mellor maneira posible.

Deixámosvos unhas fotos do festival: xa sabedes, gustaríanos ter subido mais fotos, pero non é posible recoller todos os momentos e a todo o alumnado. Esperemos que vos guste esta pequena lembranza.
Saúdos e... Bo Nadal!

Jou, jou, jou!!!

Que tivemos a vista de Papá Noél, e hoxe festival, apurade que comeza ás once!

Calendarios do Amor!

Pois xa están rematados e listos para levar a imprenta. Un ano máis presentamos os calendarios cos que traballaremos durante todo o curso e que ilustran o proxecto que se está a desenvolver dende a biblioteca.

Esperamos que vos gusten tanto coma a nós, e recordámosvos que aínda estades a tempo para encargar unha copia.

Un saúdo e os nosos mellores desexos para estas datas tan especiais, que teñades unhas felices festas.

Presume de GALEGO

Hoxe recollemos unha triste noticia: Segundo a ultima enquisa do Instituto Galego de Estatística (IGE), publicada fai tres días, só un de cada catro menores de 15 anos fala en galego habitualmente(…) Terrible, non?

Por sorte en Meaño falamos o galego a todas horas e moi ben! De calquera tema, e con esa marabillosa fonética que nos sae da gorxa. Por iso queremos presentarvos a campaña que estase a desenvolver dende a coordinadora de equipos de normalización lingüística: “PRESUME DE GALEGO”

Os que queiran participar deberán de falar dun dos seguintes temas (amizades, amor, deportes, familia, festas, historias-contos-lendas, internet, libros, lugares, mascotas, moda, motor, música, vacacións, viaxes, xogos). Aínda que tamén podería valer calquera outra proposta que consideredes de moito interese.
Gravarase a voz dos/as falantes coa maior calidade posible e cargaranse os arquivos de audio, preferiblemente en mp3 para compartir dentro deste proxecto.

Así que xa sabedes, animádevos! Contamos contigo!

Porque ti tamén tes dereito a presumir do teu >GALEGO<!

http://coordinadoraendl.org/presume_de_galego/index.php 

Carreira Campo a Través

Este venres, tocou deporte! Os alumnos de 4º, 5º e 6º participaron nunha xornada de atletismo xunto a outros rapaces e rapazas da zona do Salnés. Foi unha gran mañá: bo tempo, moita xente coñecida e un lugar idóneo para facer unha carreira Campo a través, a antigua azucareira de Portas.
Deixámosvos unhas cantas fotos, dos participantes, do noso medallista (a ver se o atopades!) e incluso algún infiltrado que xa anda polo instituto.
Un saúdo e a seguir con estes hábitos saúdables!

NAVEGA CON RUMBO

Deixámosvos unha información que consideramos de interese: unha proposta do Colexio Profesional de Enxeñaría en Informática de Galicia, en colaboración coa Xunta de Galicia. Para que todos sepamos facer un uso responsable das novas tecnoloxías e sacarlle o máximo partido. 

http://www.edu.xunta.es/navegaconrumbo/index.html

Magosto con auga...

Pois si, o venres tivemos un magosto un pouco pasado por auga, pero a pesares da chuvia tivemos unha gran xornada de xogos e castañas:

Os xogos puideron ir adiante nas zonas cubertas, as castañas fixéronse sen contratempo e bastantes familias puideron vir a participar desta xornada de festa. O mellor? Ver como os avós e avoas son os que mellor saben tirar na Chave ou facer rodar os aros metálicos. O ano que ven, repetimos, non?

(Deixámosvos algúnhas fotos sacadas co móbil, saúdos!)

Ollos de aula nº 17

Pois xa temos un novo exemplar da Revista "Ollos de aula", realizada pola coordinadora de ENDL. Información de interese para todas as familias. Saúdos!

Ollos de aula. Nº 17 (novembro 2014) from Coordinadora Galega ENDL

A festa do Samaín

Pois si, atrás quedou a nosa festa do Samaín. Pensamos que foi unha moi boa xornada: cunha “aula do medo” na que puideron contar as súas arrepiantes historias, unha magnífica exposición de cabazas,  a merenda de outono chea de doces exquisitos e música, cantigas para rematar unha festa como lle corresponde.

Moitas grazas ás familias pola vosa colaboración e participación, esperamos que vos gustara esta celebración tanto coma a nós. Agora deixámosvos unha cantas fotos, sabedes que é moi difícil que saía todo o mundo, pero quédanos un bo recordo. Vémonos no Magosto!

E un pouco de música para acompañar as fotos

O xoves Samaín!

O Xoves 30… ímolo pasar de MEDO!

Celebrámolo noso SAMAÍN:

Cabazas terroríficas…

Contos arrepiantes…

“Merenda de outono”

(e para rematar… todos a cantar!)