Sempre en Galego

Moitas veces, tivemos que escoitar: “ El gallego no és una lengua”, "El gallego no és una lengua científica", “ Con el gallego no vas a ningún lado”....
O galego é a miña lingua, a dos meus pais e a dos meus avós, a dos meus devanceiros, e polo tanto será a dos meus fillos. A lingua dos arrolos, a das verbas xeitosas cheas do agarimo dunha nai polos seus fillos.
Quero aplicar a miña ciencia á lingua, para pintar a face do noso maior ben colectivo, a nosa mellor herdanza, a mellor tarxeta de presentación dun pobo: a lingua galega.

lunes, 13 de mayo de 2013

Personaxes das historias de medo na nasa cultura popular.

Traballazo perfecto da cultura popular do medo na nosa terra. Grazas por este resumo!

miércoles, 8 de mayo de 2013

Ollos de aula nº 7

Deixámosvos o novo número da revista “Ollos de Aula”: Roberto Vidal Bolaño, artigos sobre cando comprarlle o móbil aos vosos fillos... axenda cultural...

Esperamos que vos guste,

Saúdos dende o EDLG.

Ollos de aula. Nº 7 by cendl

Roberto Vidal Bolaño

Este vindeiro 17 de maio celebramos o noso Día das Letras Galegas. Este ano dedícase ao dramaturgo Roberto Vidal Bolaño (1950 – 2002) autor clave na creación dun teatro galego propio.

Dende o CEIP As Covas de Meaño recordaremos durante toda esta semana a súa figura e a importancia que ten o teatro dentro do noso eido cultural.

miércoles, 1 de mayo de 2013

Xa temos o Maio

Pois no día de onte celebramos o noso Maio. Todo o mundo colaborou; agradecemos as familias por traernos tanto fiúncho e pampullos, dende 3 anos ata sexto estiveron facendo cadeas e coroas. Unha xornada de convivencia e traballo artesá que concluíu cantando a nosa copla do Maio. Deixámosvos unhas fotos que esperamos que vos gusten.

Un saúdo, o Equipo de dinamización da lingua galega.

lunes, 29 de abril de 2013

Os Maios!

Pois mañá temos a festa dos Maios, a celebración da primavera, coa nosa árbore chamada “Maio” e arredor dela cantaremos as coplas deste ano.

Toda a mañá estaremos traballando, pero a partires da unha estades invitados a cantar con nós!

Un saúdo,

lunes, 22 de abril de 2013

23 de abril, Día do Libro

Mañá martes celebrámolo Día Mundial do Libro. Unha xornada que promoveu a UNESCO co fin de fomentar a lectura e reivindicar a importancia que teñen os libros nas nosas vidas.

A nosa escola non podía deixar de lado esta día e teremos varias actividades nas que os libros, a lectura e a escritura estarán moi presentes.

Unha delas é o noso 2º Certame Literario, unha oportunidade para cada un de vós saque ese pequeno escritor/a que leva dentro. Animádevos a participar!

Saúdos,

lunes, 8 de abril de 2013

Mes dos libros!

martes, 2 de abril de 2013

Día da Poesía

O pasado día 21 celebramos o Día Mundial da Poesía. Alumnado de cada ciclo fixo lectura dos seus poemas e fixemos entrega dos premios aos participantes na nosa “Olimpíada do saber”. Libros e premios para comezar esta nova estación do ano. Feliz primavera a todos e todas!