Roberto Vidal Bolaño

Roberto Vidal Bolaño

Este vindeiro 17 de maio celebramos o noso Día das Letras Galegas. Este ano dedícase ao dramaturgo Roberto Vidal Bolaño (1950 – 2002) autor clave na creación dun teatro galego propio.

Dende o CEIP As Covas de Meaño recordaremos durante toda esta semana a súa figura e a importancia que ten o teatro dentro do noso eido cultural.

Xa temos o Maio

Pois no día de onte celebramos o noso Maio. Todo o mundo colaborou; agradecemos as familias por traernos tanto fiúncho e pampullos, dende 3 anos ata sexto estiveron facendo cadeas e coroas. Unha xornada de convivencia e traballo artesá que concluíu cantando a nosa copla do Maio. Deixámosvos unhas fotos que esperamos que vos gusten.

Un saúdo, o Equipo de dinamización da lingua galega.

Os Maios!

Pois mañá temos a festa dos Maios, a celebración da primavera, coa nosa árbore chamada “Maio” e arredor dela cantaremos as coplas deste ano.

Toda a mañá estaremos traballando, pero a partires da unha estades invitados a cantar con nós!

Un saúdo,

23 de abril, Día do Libro

Mañá martes celebrámolo Día Mundial do Libro. Unha xornada que promoveu a UNESCO co fin de fomentar a lectura e reivindicar a importancia que teñen os libros nas nosas vidas.

A nosa escola non podía deixar de lado esta día e teremos varias actividades nas que os libros, a lectura e a escritura estarán moi presentes.

Unha delas é o noso 2º Certame Literario, unha oportunidade para cada un de vós saque ese pequeno escritor/a que leva dentro. Animádevos a participar!

Saúdos,

Mes dos libros!

Día da Poesía

O pasado día 21 celebramos o Día Mundial da Poesía. Alumnado de cada ciclo fixo lectura dos seus poemas e fixemos entrega dos premios aos participantes na nosa “Olimpíada do saber”. Libros e premios para comezar esta nova estación do ano. Feliz primavera a todos e todas! 

Ollos de aula

Ollos de aula. Nº 5. Versión para imprimir en A4 a dobre cara by cendl

Xa temos un novo número da revista escolar “Ollos de aula”. Coma sempre, información de calidade do ensino galego. Neste número, claves para entender o plurilingüísmo, “aprobar ou aprender”... Dispoñible tamén na entrada do colexio.

8 de maio, Día da muller traballadora

Este venres, día 8, é do Día internacional da muller traballadora. Un día de reivindicación pola igualdade entre homes e mulleres en todos os ámbitos da vida: social, laboral e político.

Para que esta igualdade sexa efectiva debemos facer unha educación en valores de igualdade e non sexista. Dende o CEIP As Covas, a nosa homenaxe a todas as mulleres traballadoras de Meaño.