Correlingua!

Onte os cursos de 4º, 5º e 6º desprazamonos ata Pontevedra para participar na festa do Correlingua. Unha actividade que se está a realizar en diferentes vilas e cidades de Galicia, previa á celebración do Día das Letras Galegas, e que ten como finalidade reivindicar o dereito de medrar en galego a través do uso do noso idioma.

Houbo unha marcha simbólica polo casco vello, concerto, entrega de diplomas e libros para os centros participantes. E  concluímos a xornada soltando uns globos que levaban as nosas palabras para dicir "O Galego está en nós"

Deixámosvos unhas fotos do día de onte. Coma sempre, se considerades que algunha foto non debería estar subida, polo motivo que sexa; avisade e se retirará o antes posible. Un saúdo dende o EDLG!

Peter Punk nas Covas

Hoxe, tivemos a fortuna de contar coa presenza dun artista moi especial no noso centro. Peter Punk, artista do mundo do clown que forma parte do colectivo pallasos en rebeldía que ven de traballar no campo de refuxiados de Idomeni.

Estivo con nós, para contarnos de primeira man o que está a suceder a non moita distancia de aquí, aos pés da nosa Europa. E tamén a compartir momentos de risas e diversión, como parte da linguaxe universal de todos os nenos e nenas.

Deixámosvos algunhas fotos da xornada. Coma sempre, o noso recordatorio de que si vedes algunha foto que non debería de estar subida polo motivo que sexa, avisádenos que se quitará da galería sen problema.

Un saúdo e esperamos que vos gusten.

23 de abril, Día do Libro

O pasado venres celebramos o Día do libro da mellor maneira que sabemos: Contando contos:

Houbo unha espiral de experiencias lectoras, contos entre maiores e pequenos e intercambios de libros. Toda unha xornada de encontros diante dos nosos libros.
(En breve subiremos as fotos da actividade, saúdos!)

Abril mes dos libros

Comezamos os meses de mais actividade na biblioteca do noso centro: Abril, mes do libro,  coa importante celebración que nos espera para o día 23. E comezamos a pensar en Manuel María o poeta ao que nos entregaremos en corpo e alma para o vindeiro mes...

Por certo, xa arrancou o XVII Salón do Libro Infantil e Xuvenil de Pontevedra, unha cita obrigada e gratuíta para grandes e pequenos. http://www.pazodacultura.org/gl-ES/salon-do-libro/2016.aspx

E rematamos con música! Porque os luns sempre se levan mellor con boa música. 

Un saúdo dende o Equipo de dinamización da lingua galega.

8 de marzo: DIA INTERNACIONAL DA MULLER TRABALLADORA

Unha celebración universal que, sobre todo, é unha reivindicación social.
Os nosos parabéns!!

Rematamos o Entroido!

Pois si, despois de toda unha semana traballando esta festa tan propia da nosa terra. Damos por rematados estes días de troula e desfraces.

Quixéramos darvos as pola vosa colaboración e participación nestes días de "pintura". E en especial aos que viñéchedes o venres para vestir os nosos desfraces tradicionais (Boteiro, Pantalla, Peliqueiro e Oso de Salcedo)

Agora, as fotos! O de sempre, desculpas anticipadas por senón vos atopades na colección, e se vedes que alguna das fotos non debería de estar pública, polo motivo que sexa; aviso e quitarase rápidamente.
Un saúdo e vémonos o xoves!

Día da Paz

Este venres día 29 toda a Escola reivindicamos o noso Día da Paz; cunha celebración que xa comenzara o día antes, realizando entre as diferentes clases unha reinterpretación do famoso cadro "Guernica" de Picasso.

O venres, representación, (moi, moi conmovedora, sen dúbida!) canción e baile; e lectura do noso manifesto. Nas novas xeneracións temos asegurado un mundo mellor.
Saúdos dende o EDLG.

Achégase o Entroido...

Estimadas familias, a semana que ven chega o Entroido ao noso colexio; sendo o venres 5 o día grande desta celebración.

 

O luns comezaremos co noso “Mandadiño” que iranos dicindo como hai que vir vestidos durante estes días. Recordade que son sempre ideas abertas e que o importante é participar da troula destas datas.

 

LUNS: “O luns, como a Gioconda, trae unha melena longa”

MARTES: “O martes de Frida Khalo, trae flores no peiteado”

MÉRCORES: “ O mércores toca A última cea, así que trae a barriga chea”

XOVES: “E o xoves facemos un repaso... pinta na cara un Picasso”