Comezamos un novo camiño!

Despois de varios anos implantando seccións bilingües este ano xa formamos parte da rede centros plurilingües.

E que novos tempos esixen cambios importantes, e hoxe en día, o uso de inglés é unha competencia irrenunciable para o futuro das novas xeracións. Pero sempre dentro dun marco lingüístico que non rexeita a súa identidade: que fai da promoción do galego o noso esforzo principal e que asume o uso das linguas como a principalmente ferramenta de aprendizaxe.

Novos retos que, sen dúbida, enfrontamos coa maior das ilusións.

Un saúdo dende o Equipo de dinamización da lingua galega.

Un novo curso!

Como foi ese verán? Moita praia? Xogar sen parar? Seguro que foron unhas semanas inesquecibles e cheas de moi bos momentos. Abofé que si!

Pero co mes de setembro xa toca despedir aos días de sol sen fin e coller o hábito de madrugar para volver á escola. Porque o curso 2015/16 xa está con nós e ven cheo de moitas actividades.

Este ano estaremos coa “Pintura” a tope, xa que será o tema de traballo para todo o ano. E non vos esquezades que dende o blog de galego non vos daremos nin un respiro. Actividades coa nosa lingua para todo o ano.

Saúdos e feliz comezo de curso!

Ollos de aula (Verán)

Xa casi poñíamos o cartel de "Vémonos en setembro" pero recibimos un novo e refrescante número da revista "Ollos de aula" e tivemos que compartilo.

Información de interese e calidade para familias inquedas. Que teñades un magnífico verán!
Saúdos!

Ollos de aula. Nº 22 (xuño de 2015) by cendl

Rematamos!

A piques estamos de rematar este curso 2014/15 e que mellor maneira de facelo con todo un Festival. Calorazo o que pasamos, pero incrible o ben que se portaron os rapaces. Aquí vos deixamos unhas poucas fotos desta xornada de festa e de despedidas.
E rematamos con unha aperta aos nosos alumnos de sexto cos que temos compartido tan bos momentos e ao seu titor; Pedro, dende o EDLG queremos mostrarte o noso recoñecemento, da gran labor realizada en prol da nosa lingua e na dirección desta escola. Moita sorte na túa nova etapa.

Feliz verán a todos e todas! E, coma sempre, se vedes que algunha foto non debería de estar na galería, avisádenos e se quita rápidamente.

REVISTA BUXAINA

Xa temos o número 28, recen saído do forno. Unha ollada, con todo o noso afecto, a este curso que tan bos momentos nos deixou. Esperemos que vos guste tanto coma nós!

Un saúdo dende o Equipo de dinamización da lingua galega!

XXII Carreira Escolar do Salnés

Metidos de cheo na recta final do curso, hoxe desprazámonos ata Portonovo para participar nesta Carreira Escolar de gran tradición e que tivo como lema 'En galego gañamos tod@s'.
Moita xente coñecida, alumnado de todos os centros da zona e unha proba esixente na que o calor aumentou a dureza do seu percorrido. Pero o mais importante foi a xornada de convivencia entre rapaces e rapaces compartindo un lema tan necesario como o desta edición.
Deixámosvos unhas poucas fotos; do noso equipo de corredores, do quecemento e do transcurso da proba que tan bos recordos nos ten deixado.
Un saúdo, e xa sabedes, as fotos igual que se poñen tamén se poden quitar, se considerades que algunha foto non debería de estar no blog, avisádenos e a eliminamos rapidamente.
O Equipo de dinamización da lingua galega.

Revisando o curso...

Pois xa nos asoma o mes de xuño e comezamos a revisar algunhas das actividades realizadas durante este curso.
Comezamos polo Proxecto Xogade, unha actividade realizada dende a área de EF, coa que se tentou potenciar a práctica de actividade física saudable dentro dun amplo proxecto de valores educativos e competencias básicas.

Deixámosvos unhas poucas fotos destas actividades, esperamos que vos gusten!
Un saúdo dende o EDLG

Celebrando As Letras Galegas...

...No CEIP de Meaño As Covas! Pois si, porque aínda que todos os días temos bos motivos para celebrar o viva que está a nosa lingua. Nesta semana dedicámoslle unha especial atención: recordando os libros preferidos que se tiveron lido... Cunha sesión de contacontos entre o noso alumnado... Con xogos tradicionais galegos... e con música!

Gran xornada a de hoxe, ruta ata os muíños de Lores, xogos, merenda e actuación de Ce orquesta pantasma!
Deixámosvos unhas coleccións de fotos destas dúas xornadas. Esperamos que vos gusten e se considerades que algunha non debería de estar ahí, pois nos avisades e se retira da galería rapidamente.
Un saúdo, e feliz 17 de Maio!