O entroido na escola

O Entroido 2013 está a piques de comezar

Constrúe a túa propia pantalla!

Lembramos as nosas costumes e tradicións. O Entroido en Galicia é moi rico en máscaras e traxes. O ano pasado visitounos o Peliqueiro de Laza, este ano chamamos a Pantalla de Xinzo da Limia.

Entroido 2013!

Chega o intre soñado

despois dun ano esperando,

volver a sentir na pel

o traxe desexado.

A rúa está murmurando

o canto das vexigas,

e as túas campás bailando

coa alma enchida.

Comezas polo pantalón

e sentes a calor do liño na pel,

o tempo que pensas

que sería o traxe sen el.

Pos a camisa

agarimas os botóns,

oes as rúas que esperan,

canta o teu corazón.

Calzas os zapatos

para levala ben elegante,

que se aparten todos!

e no desfile a deixen diante.

(...)

Ollas para o espello

e xa a ves debuxada

non hai nada máis fermoso

que a marabillosa Pantalla.

(...)

Si, é ela, a pantalla

a alma da festa,

o arraigo dun pobo

que no vestir se manifesta.

Comezas a bater as buxigas

cun xesto incesante,

mentres ves aos raparigos

de ollar rutilante.

Non, non están asustados.

Quedan namorados

igual que quedaches ti

a primeira vez

que a viches danzando…

José M. Pérez Rodríguez

“O sentir da pantalla”

(Ídevos preparando que o Entroido, xa está chegando...)

Mini e Mero no CEIP As Covas - Meaño

Grazas ao blog de terceiro ciclo, deixámosvos un vídeo da xornada que compartimos con Mini e Mero.

Música e poesía nunha mañá chea de emocións!

Festival de Nadal

Pois aquí estamos coas fotos do noso festival. A pesares de no ter as instalacións mais axeitados creemos que resultou un bastante ben; os alumnos demostraron o ben que saben vivir o Nadal e, por sorte, viñeron moitas familias.

Como ben sabedes, gustaríanos ter sacado a todo o mundo nas fotos pero é imposible. Deixámosvos unha mostra do que foi a festa e esperamos que vos gusten tanto coma a nós.

Feliz Aninovo a todos e todas!

Mini e Mero

Dous grandes artistas, músicos, poetas e mestres da nosa cultura. Membros de “Fuxan os Ventos” e actuais compoñentes de “A Quenlla” compartiron unha xornada incrible con todos nós.

O día 19 recitamos a Celso Emilio, cantamos “A sementeira”, “Irmaus”, “O carro” … contamos coa colaboración especial de Tino Baz…  Emoción, sentimentos, moita música e, agora, os recordos dunha festa da cultura escrita coa nosa letra.

Felices Festas!

#RecitandoCelsoemiliO!

O día 12, do 12, ás 12 foi a data sinalada na que mais trinta e mil alumnos de toda Galicia recordaron a figura de Celso Emilio Ferreiro.

No 50 aniversario da publicación de “Longa noite de pedra” o noso alumnado quixo participar deste recitado: ilustrando a súa figura, lendo “Deitado frente ao mar”, “Irmaus”, “Moraima”... Unha celebración da nosa cultura, da nosa lingua e da enerxía que teñen as palabras cando van en forma de poesía.

Rematando o Outono...

E queremos darvos as grazas pola vosa colaboración nesta edición do “Outono fotográfico”.

Cada ano hai unha maior participación nesta actividade: fotos, poemas, murais... fixeron da nosa entrada un lugar moito mais acolledor. Esperamos que vos gustara tanto coma a nós.
Grazas!