Clausuramos o noso Outono fotográfico!

Foron máis de 120 fotografías, cos seus textos, coas súas explicacións. Un éxito e unha forma diferente de disfrutar das cores do noso Outono. Moitas grazas!

3º outono fotográfico

View more presentations from ceipascovasmeanho.

Lingua minoritaria? Tí decides!

A nosa lingua sabe a pan!

Xenial! É unha montaxe fantástica do CPI Virxe da Saleta. 

Ao final, houbo Magosto!

Choveu, afumamos o colexio enteiro e tamén a algunha nai e avoa que estiveron axudándonos coas castañas. Pero ao final tivemos a nosa festa da Castaña.

Deixámosvos as fotos do 2º e do 3º ciclo, cando teñamos máis irémolas subindo. Esperamos que vos gusten.

Un saúdo dende o Equipo de dinamización da lingua galega.

magosto 11

Pendentes do Magosto...

Pendentes do tempo... Así estamos para celebrar o noso Magosto.

O pasado venres 11, día de San Martiño, tivemos que aprazar a nosa festa da castaña. Así que estade atentos á predicción do tempo. En canto veña sol, aí estaremos!

E ti por que les?

Hoxe queremos mostrarvos unha magnífica iniciativa que se está a desenvolver dende o Equipo de Biblioteca: “ E ti por que les?”

Cada mes teremos un novo protagonista que nos animará a coller un bo libro, sen medo a perderse nas súas historias e aventuras.

Estade atentos!

As fotos do Samaín!

Pois aquí están as fotos do noso Samaín!

Samaín 2011

Este ano tivemos mais contos de medo que nunca, moita música e unha deliciosa merenda de outono.

As cabazas estaban incribles, houbo unha participación moi boa, e viñeron moitas familias. Así que foi un gran día; que rematou coma rematan as mellores festas: cantando todos xuntos!

Esperamos que vos gusten as fotos.

Un saúdo dende o Equipo de normalización lingüística.

O Venres... Samaín!

Este venres 28 de outubro celebrámolo o noso Samaín. Unha celebración onde non faltarán as cabazas decoradas, os contos de medo e mesmo unha gran merenda de outono.

Pero de onde ven esta festa?

-ORIXE HISTÓRICA DA FESTA-

         A orixe desta festa de defuntos e da tradición da talla de caveiras de calacú pérdese na noite dos tempos e posiblemente as celebracións de hoxe en día sexan a mestura das tradicións e dos ritos dos diferentes pobos que pasaron por esta terra.

 

                Así, para os celtas o Samaín ( 31 de outubro) era a derradeira noite do ano e considerábase  un momento propicio para presaxia-lo futuro. Pensaban que nesta noite as portas do outro mundo quedaban abertas e as ánimas dos difuntos, e outros espíritos,  invadían, por unhas horas, o mundo dos vivos.  As ánimas dos finados voltaban para visita-las súas famílias nas que foran as súas casas para quentárense a carón do lume e comeren dos alimentos que  lles tiñan preparados. Os druídas celtas tamén acendían grandes fogueiras e colocaban as caveiras iluminadas dos seus inimigos no máis alto dos castros co aquel de escorrentaren os espíritos malignos.  Posiblemente de aí vén o costume de facer caveiras coas cabazas e pórlles  despoís unha candea acesa dentro. Esta tradición conservouse ata os nosos días en toda Galicia e en cada lugar recibe distintos nomes: calacús polas Rías Baixas, caveiras de melón en Cedeira, calabazotes en Ortigueira, colondros en Ourense, etc. Hai apenas 25 anos aínda se facían na parroquia de Salcedo.

Este costume, que hoxe nos parece propio do Halloween americano,  era tradición común en Galicia, así que xa sabedes, menos Halloween e máis Samaín!