Sempre en Galego

domingo, 17 de abril de 2011

Chegan os Maios

“Xa chegou o Maio, colorido e galán. Chegou tras o inverno e antes do verán”.

Aínda que estamos en vacacións de Semana Santa queremos recordarvos que á volta temos que preparar o noso Maio.

O venres 29 de abril será o día desta celebración, así que ide buscando os fiúnchos, os pampullos e as laranxas bravas.

Vémonos o venres!

Tamén haberá que ir preparando as coplas...canto máis críticas mellor.

sábado, 2 de abril de 2011

125 aniversario do nacemento de Castelao

Este ano 2011 temos una data moi importante que recordar; o 125 aniversario do nacemento de D. Alfonso Daniel Rodríguez Castelao, referencia imprescindible da nosa cultura. Narrador, ensaísta, dramaturgo, debuxante… Un autor que foi homenaxeado co segundo Día das Letras Galegas, no ano 1964.

Non podemos deixar de amosar a nosa estima e admiración por este gran escritor ao que lle debemos “Cousas”, “Sempre en Galiza” ou “Os vellos non deben namorarse”.

lunes, 21 de marzo de 2011

21 de marzo, día da poesía

Hoxe, coa chegada da primavera, tamén celebramos o noso día da poesía. Esta é unha das datas sinaladas no calendario das letras, e queremos aproveitala para presentarvos a Lois Pereiro.

Este ano se lle dedica o Día das Letras Galegas, así que nas próximas semanas irémonos achegando á figura deste gran poeta. Deixámosvos estes breves versos cos que reivindicar a poesía como parte das nosas vidas:
“Sobrevoabas un día o meu espacio aéreo
rozándome coas plumas levemente
e desaparecías cun rumor minguante
como a visión dun soño
fracasado”.

xuño, 95

lunes, 14 de marzo de 2011

Fotos do Entroido!

Deixámosvos algunhas fotos desta xornada de festa onde non faltou a música, moitas risas e unha boa merenda cos doces tradicionais. Esperamos que vos gusten!

Entroido 2011

Gañadores Discapnet 2011

Presentamos o traballo feito na nosa escola por todos as mestras, mestres, enfermeira e coidadora para a integración na sociedade de todos os membros con igualdade e sen descriminación. O noso centro foi finalista entre centos de candidaturas a nivel estatal de colectivos importantes e empresas de renome como La Caixa, RENFE, VODAFONE, REPSOL, etc.
O xoves ás 12:00 en Madrid cumpliuse "un sono na bandexa" para as mestras e mestres e as alumnas e alumnos de 2º, e para o resto de nenas e nenos dos outros cursos da nosa escola que fixeron posible este traballo: CONSEGUÍMOLO.
Grazas a todos: pais, nais, nenas e nenos, en especial a todo o equipo de mestres que traballan cada día para mellorar a nosa sociedade, sen eles este sono non sería posible.
Grazas aos que estiveron traballando e agora non están na escola pero si no noso corazón.
Grazas a Nerea por enseñarnos tanto.

Pedro Alberto Padín Solla
Director do Ceip As Covas

viernes, 4 de marzo de 2011

Finalistas ao premio Discapnet

Recoñecemento ao traballo ben feito, grazas a todas e todos, ás mestras e mestres que estiveron nesta escola e que aínda están, polo seu traballo diario.

http://www.discapnet.es/Castellano/Actualidad/Discapacidad/Paginas/detalle.aspx?Noticia=261272

Pedro Alberto Padín Solla
Director

viernes, 25 de febrero de 2011

Chegou o Entroido!

A semana que ven chega o Entroido ao noso colexio, sendo o venres 4 o día grande desta celebración.

Coma en anos pasados, o luns teremos ao noso “Mandadiño” que dende a entrada do colexio iranos dicindo como hai que vir vestidos durante estes días. Ao estar traballando o tema da “alimentación saudable” haberá que botarlle un pouco máis de imaxinación, usando diversos materiais para a vestimenta.

Esperamos que vos guste a nosa proposta e que participedes da troula destes días. Un saúdo,

LUNS: “O luns, ademais de vir vestido hai que traer un ovo fritido”

MARTES: “O martes, coma se foses unha eiruga hai que traer unha folla de leituga”

MÉRCORES: “Mércores, escoita! Trae contigo unha froita!”

XOVES: “O xoves come peixe asado e trae os beizos ben pintados”.

lunes, 21 de febrero de 2011

Día Internacional da Lingua Materna

En 1999, a UNESCO declarou o 21 de febreiro Día Internacional da Lingua Materna.

O obxectivo desta celebración é impulsar a práctica das linguas maternas en todo o mundo e, en especial, as das minorías, por seren as que se encontran nunha situ

ación máis difícil.

Pero... Que é unha lingua materna?
A lingua materna, aquela en que os nenos e as nenas aprenden a falar, é, como dixo o poeta, “é a chave coa que abrimos o mundo”.

Galicia é hoxe unha comunidade con dous idiomas oficiais, o que constitúe unha riqueza e unha oportunidade.

A lingua e a cultura galegas son a mochila onde gardamos o pan e a auga, o imprescindible para facer un camiño que nos leva sempre cara adiante.

A nosa lingua apórtanos unha identidade colectiva que une a todos os galegos e galegas, independentemente de cal sexa o idioma que falan habitualmente.