O xoves Samaín!

O Xoves 30… ímolo pasar de MEDO!

Celebrámolo noso SAMAÍN:

Cabazas terroríficas…

Contos arrepiantes…

“Merenda de outono”

(e para rematar… todos a cantar!)

6º Outono Fotográfico

“Ven onda nós o outono

dacabalo do aire;

nos camiños da fraga

os ourizos xa abren.

Síntoo chegar contento

da eterna viaxe

enredando entre as follas,

estreando friaxe”.

 (ANA Mª FERNÁNDEZ.”Ondas de verde e azul”.Xerais)

Estimadas familias, un ano mais, damos comezo ao noso “Outono fotográfico”:

Nesta, 6º edición mantemos o espírito de fomentar a creatividade dos vosos fillos e fillas. Así que propoñemos que nos traiades fotos sobre esta época do ano, e que estas veñan acompañadas dun pequeno texto onde se conte porque se tomou, que vos chamou a atención ou mesmo cun poema.

A actividade está aberta a toda a comunidade educativa (tanto alumnado, coma familiares e mestres) e poderanse entregar no formato que mais vos guste. Con todas elas farase unha exposición na entrada do colexio, polo que non vos esquezades de poñerlle o nome para saber de quen é cada foto.

Esperamos unha gran participación e aproveitamos a ocasión para enviarlles un cordial saúdo,

O equipo de dinamización da lingua galega.

E chegou o Outono!

Pois si, agora si que deixamos atrás ao verán. Chegaron as chuvias, os días acurtan, as árbores amarillean...  Pero non vos preocupedes, fora nostalxias, porque comezamos esta fermosa estación onde nos esperan moitas das nosas mellores actividades: Outono fotográfico, Samaín, Magosto, Xogos populares... E non vos esquezades, que esta é unha magnífica estación para ler: deixámovos cun pequeno poema. Esperamos que vos guste, saúdos!

“Ven onda nós o outono

dacabalo do aire;

nos camiños da fraga

os ourizos xa abren.

Síntoo chegar contento

da eterna viaxe

enredando entre as follas,

estreando friaxe”.

 (ANA Mª FERNÁNDEZ.”Ondas de verde e azul”.Xerais)

Concerto didáctico!

No día de onte, a Escola de Música Municipal de Meaño fíxo unha visita ao noso centro para ofrecernos un magnífico concerto didáctico.
Moita xente coñecida nesta banda; dende antiguos alumnos, ata novos valores que aínda están polo noso centro. Toda unha experiencia, que alegrou a mañá e puso moi boa música entre nós.
Saúdos!

Comezamos un novo curso!

Pois si, xa está aquí o novo curso escolar. O empezamos con ilusións renovadas, con moitas ideas, proxectos en mente e ganas de aprender, porque na vida todos somos eternos aprendices.

Esperamos que o verán fora aproveitado do mellor modo posible, e que o seu recordo axude a alimentar esa actitude positiva tan necesaria para a volta ao cole. Que a pesares da situación de crise, recortes ou limitacións que poidamos sufrir non falte esa actitude intelixente de ser felices e de facer felices aos demais. Así que aí van os nosos mellores desexos para este novo curso.

Saúdos dende o Equipo de dinamización da lingua galega.