Un novo curso

Xa estamos de novo aquí, con moitas ideas, moitos plans, ilusións por traballar e, tamén, algúns profesores de menos...

Neste curso 2011 – 2012 aprenderemos de Castelao, no seu 125º aniversario. Descubriremos como é o noso universo...

Non faltará a música coas nosas cantigas populares...

E o outono fotográfico, e a Semana das Letras Galegas...

Un programa cheo de actividades, onde o Galego será o noso compañeiro de viaxe.

FELICES VACACIÓNS!

Pois xa chegamos ao final deste curso. Foron meses de traballo, de moitas aprendizaxes e de tempos compartidos… Un ano no que fixemos do galego a lingua que todos queremos e un ano no que non faltaron as festas.

Festival fin de curso

Deixámosvos unhas fotos do último festival, onde os alumnos e alumnas de sexto dixéronnos un "ata sempre". Un abrazo moi grande para eles!

E dende o Equipo de Dinamización da Lingua Galega, o noso desexo de que teñades unhas magníficas vacacións!

(E non deixedes de ler…)

Revista Buxaina

Un ano mais, xa chega a nosa Revista Buxaina!
Un percorrido polo que foi este curso 2010-2011 . Deixámola colgada no blog, e a finais desta semana entregarémosvos un exemplar para cada un.

Open publication - Free publishing - More galego

Ti es dos meus... Somos moitos.

Escoitade a letra, somo moitas e moitos, cada día máis. Orgullosos do que somos e do que falamos.

Día das Letras Galegas

Hoxe, véspera do Día das Letras Galegas, celebramos a nosa lingua como cultura, como palabra feita arte e recordamos a figura de Lois Pereiro.




Autor de breve traxectoria que compuxo versos ao son da súa enfermidade, un poeta que escribiu dende a prórroga da súa vida, e que no día de hoxe queremos homenaxear:

- Un Soño Alleo repetido -

O certo é que teño a impresión ás veces
que se fai máis patente cada día
de que pese ás evidencias en contra
debín morrer de aquela
e estou vivindo un soño repetido
nas noites dos que me seguen querendo.
outono, 95

Correlingua 2011

Este martes, día 10 de maio, tivemos o fin de festa deste Correlingua 2011.

Correlingua 2011

O Correlingua é unha actividade de normalización, de carácter interdisciplinar, coa que traballamos a nosa lingua dende diversas áreas. O “galeoke”, o concurso de banda deseñada, a elaboración dos dorsais apadriñando palabras sobre a alimentación… Foron algunhas destas actividades que concluíron nunha gran festa celebrada polas rúas de Pontevedra.

Houbo músicos, un mago, e moita festa que concluíu soltando moitos globos cos nosos mellores desexos. Ata ano que ven!

LIBERDADE

Responsabilidade coa herdanza